აღწერა

ექსკლუზიური უფლებით, ვყიდით ძალიან ძალიან ლამაზ სახლს ბულაჩაურში. სახლი აშენებულია მონოლითის პრინციპით, გარე კედლების სისქე 40 სანტიმეტრია! მისაღებში დაგებულია უმაღლესი ხარისხის მუხის პარკეტი, საძინებლებში — ნეკერჩხალი და რუსული ფიჭვი. კარ-ფანჯარა დამზადებულია წაბლის, მუხისა და ცაცხვის ხისგან. შიდა რკალური კიბე მარმარილოს საფეხურებითა და ჭედური რკინის მოაჯირითაა, კედლები მოპირკეთებულია ვენეციური მარმარილოთი, ხოლო მოქმედი ბუხარი — ნატურალურ მარმარილოშია ჩასმული. საერთო ფართი 330 კვ.მ (1-2 სართულები: 240 კვ.მ, სარდაფი: 40 კვ.მ, მანსარდი: 50 კვ.მ — სადაც აყვანილია წყალი, კანალიზაცია და შესაძლებელია კიდევ 2 საძინებლის დამატება). ამჟამინდელი გეგმარებით არის 3 ფართო საძინებელი, დიდი მისაღები ბუხრის სივრცით, სამზარეულო და 2 აბაზანა. მიწის ფართობია 2100 კვ.მ კომუნიკაციები: მუდმივი დენი, გაზი, წყალი, ცენტრალური გათბობა და ცენტრალური კანალიზაცია. ეზოს ინფრასტრუქტურა: 15 ადამიანზე გათვლილი კაპიტალური ფანჩატური, ტრადიციული თონე და ბარბექიუ ზონა, სახლის წინ და უკან მოწყობილია ორი გრანდიოზული ტალავერი (ვაზის 42 სახეობა!). ეზოში იზრდება 56 ძირი ხეხილი (28 სხვადასხვა სახეობა) და ვარდების 35 უნიკალური სახეობა. შინ და გარეთ მოწყობილია სველი წერტილებისა და სარწყავი სისტემის ფართო ქსელი.